Еко – хабитат: Како дојде до идејата за О-круг?
Марија: Додека седевме во недела попладне на клупа во парк, ги приметивме огромните количини на гајби исполнети со отпадни лушпи од цедените портокали испиени дента. Како дете од фамилија во која се зборува за отпад од храна, циркуларност и одржливост, сосема органски ми дојде потребата да се едуцирам повеќе на темата „што со овој отпад кој загадува“. По доста истражување заклучивме дека во кората всужност можеби се крие најголемото богатство – чисто есенцијално масло, кое е основа за повеќе од 100 различни производи според последната анализа на УНДП. Па така се одлучивме оваа наша идеја од отпад да произведуваме производи да ја преточиме во реален и наградуван бизнис модел кој покрај зелениот импакт ќе прави и социјален импакт преку вработување на млади, посебно млади од маргинализираните категории.
Еко – хабитат: Кој е тимот кој работи на оваа идеја?
Марија: Формата на О-Круг и тимот се менуваа неколкупати во текот на овие 2 години, започна во средношколските клупи, но по матурирањето обврските на одредени членови се зголемија/намалија, а со тоа право пропорционално и нивната посветеност на иницијативата. Денеска во тимот моја десна рака се Марко Василев, Матеа Боневска и Елена Божиновска, но покрај нас имаме и доста волонтери-луѓе спремни да помогнат во секој сегмент на нашето работење. Нашата голема цел за О-Круг како бизнис е да станеме регионален добавувач на природно есенцијално масло од портокал, а како организација голем поддржувач на младински иницијативи прераснати во други социјални претпријатија со импакт.
Еко – хабитат: Која е главната мисија и цел?
Марија: Нашите производи се издвојуваат по тоа што се еко продукти кои се локално произведени и кои креираат еколошки и социјален импакт. Целта која сакаме да ја постигнеме со ваков бизнис модел, кој впрочем покрива 6 од 17те цели за оджлив развој креирани од ОН, е да бидеме реален пример за тоа како може да се успее да се биде бизнис а сепак да се приоретизира импакт. Секоја продажба директно влијае на намалувањето на биоотпадот, а со тоа намалувањето на загадувањето на воздухот и почвата и за крај ќе учествува во борбата за намалување на високата стапка од 46% младинска невработеност со посебен фокус на млади од маргинализирани категории. Можеме да кажеме и дека во целост ќе бидеме zero waste со тоа што нашиот финален отпад оди на компостирање кај МамаОргана, зелен циркуларен социјален бизнис кој од нашиот отпад прави компост, пакуваме во биоразградливи пакувања и правиме еко достава.
Еко – хабитат: Зошто сметаш дека е важно младите да се вклучуваат во зелени бизниси?
Марија: Добропознатото младите се иднината колку и да звучи клише, е природна вистина, начинот на кој ние денес ќе донесеме одлуки за тоа како и од каде ќе купиме и работиме, ќе се одрази на идните генерации како индивидуи и врз животната средина. Во времето во кое денес живееме за младите има се поголеми и поголеми можности, имаат простор слободно да се изразуваат и творат, а социјалното преприемништво е им дава простор тоа да го претворат во бизнис кој ќе им помогне да бидат финансиски одржливи, а притоа да допринесат за доброто на заедницата. Економијата полека но сигурно се трансформира во зелена, па така треба и сите претприемачи
Еко – хабитат: Што имаш да им порачаш на младите?
Пица, хахах (it always works). 😊 и секако да купуваат еко – производи и поддржуваат македонски млади бизниси.
Еко – хабитат: Како гледаш на првата платформа за одржливост и еколошки производи, Еко – хабитат?
Марија: Платформата Еко-Хабитат е дигитална алатка која ни помага да се прориентираме кон посвесно купување и намалување на консумеризмот. Ни дава простор нам, социјалните и зелени преприемачи, да ги пласираме нашите производи и со тоа го поддржува локалниот бизнис сектор. Додека на купувачите им го олеснува пристапот до еколошки алтернативи на конвенционални производи кои загадуваат. Затоа, огромно задоволство ми претставува што нашите производи официјално ќе може да ги најдете и купите на оваа платформа која спојува луѓе со импакт.
